Адрес Госэкотехинспекции ш. Бишкек, көч. Ахунбаева 119 

Урматтуу окурмандар!

Директор Госэкотехинспекции

Сиз директор Джунушев Джолдошбек Маликовичке кат менен кайрыла аласыз

Мамэкотехинспекциянын директору Джунушев Джолдошбек Маликовичтин жетекчилиги астында 6 ай ичиндеги аткарылган иштеринин жыйынтыгы тууралуу коллегия болуп өттү. Ага Мамэкотехинспекциянын өлкө боюнча түзүмдүк бөлүмдөрүнүн башчылары катышты. Коллегиянын жүрүшүндө 2019-жылдын биринчи жарым жылы ичиндеги аткарылган коопсуздук багытындагы иштердин отчету берилип, жыйында экологиялык жана техникалык коопсуздук багытындагы бир катар маселелердин аткарылганы тууралуу айтылды .Тагыраак айтканда, жаратылышты коргоо, курулуштардагы коопсуздуктарга бөгөт коюу, өнөр жай жана тоо кен тармагындагы кырсыктарды алдын алуу жана кесепеттерин жоюу, жерлерди көзөмөлдөө, өрт кырсыктарын алдын алуу, суу ресурстарын туура пайдалануу, жаныбарлар жана өсүмдүктөр дүйнөсүн коргоо, метрологиялык көзөмөл, уулу заттардын кесепеттерин жоюу маселелеринин аткарылышы жана аларды мыйзам чегинде көзөмөлдөө кандай жүрүүдө,бул тууралуу коллегиянын жүрүшүндө маселелер көтөрүлдү. Азыркы тапта коопсуздуктарды алдын алууда жүргүзүлүп жаткан иш аракеттерди күчөтүп, экологиялык жана техникалык коопсуздук тармагын жакшыртуу пландары коллегиянын жүрүшүндө айтылды.

 

 

 

 

 

Кыргыз Республикасынын Өкмөтүнө караштуу Экологиялык жана техникалык коопсуздук боюнча мамлекеттик инспекциясы тарабынан азыркы убакытта күйүүчү-май жана газ кууйучу жайларды, нефтебазаларды пландан тышкары текшерүү иш-чаралары жүргүзүлүүдө.

Мамэкотехинспекция тарабынан мындай иш-чара жыл сайын жүргүзүлүп андан сырткары жарандардын арыз менен кайрылууларынын негизинде пландан тышкары текшерүүлөр жүргүзүлөт.

2018-жылы Кыргызстан боюнча жалпы май сактоочу жана май куйуучу жайлар текшерүүдөн өткөрүлгөн. Айрым талаптарга жооп бербеген ишканаларга Мамэкотехинспекция тарабынан эскертүүлөр берилип, мыйзам бузуулар жөнгө салынган. Мисалы ЖНПЗ КУА ЖЧКсы Мамэкотехинспекциянын Жалал-Абад шаары жана Сузак району боюнча башкармалыктын инспекторлору тарабынан 2018-жылдын 14–июнунда КРнын ЭМнин Жалал-Абад аймактык бөлүмү менен макулдашылган №05127218-45 жолдомонун негизинде пландуу текшерүү жүргүзүшкөн. Аныкталган эреже бузууларды көрсөткөн №0023888 сандуу текшерүү актысы түзүлүп, 10 (он) пункттан турган мыйзам бузууларды четтетүү тууралуу ЭСКЕРТМЕ ЖАЗУУ 14.06.2018-жылы №0004974 сандуу эскертүүлөр мөөнөтү так көрсөтүлүп, аткарууга берилген. Эскертменин негизинде, 25.06.2018-жылы берилген талаптардын аткарылышына карата контролдук текшерүү жүргүзүлүп, берилген эскертүүлөрдүн арасынан 4 (төрт) пункт аткарылбагандыгы аныкталган. Баса белгилей кетсек, бир локолизация жана ликвидация кесепеттерин жоюу боюнча иш-чара планы иштетилип чыккан эмес. Ошондой эле кызматкерлер өндүрүш коопсуздук, эмгекти коргоо жана техникалык коопсуздук боюнча окуулар өткөрүлгөн эмес. Инженер-техникалык кызматкерлерге кызматтык инструктаж китепчеси иштетилип жана жетекчилик тарабынан аткарылбагандыгы жана тейлөө жумушчулар үчүн өндүрүш инструктажы өткөрүлгөнбөгөндүгү аныкталган. Буга байланыштуу Кыргыз Республикасынын «административдик жоопкерчилик жөнүндөгү» Кодексинин 79-беренеси менен нефтебазанын жооптуу өкүлү Ташиев Маликке карата 7500 (жети миң беш жүз) сом административдик айып салынып, толук өндүрүлгөн.

Маалымат катары: Аталган ЖНПЗ КУА ЖЧКсы тагыраак айтканда аталган нефтебаза 2009-жылы 02-ноябрда мамлекеттик кабыл алуу комиссиясы тарабынан кабыл алынып, пайдаланууга берилген. Резервуарлар паркында – 1000 м3 – 4 даана, 2000 м3 – 4 даана, 50 м3 – 16 даана бар.

Нефтебаза аймагында 1000м3 суу сактагычы (водоем), атайын насостук станция магистралдык линиясы менен андан тышкары 4 жерге өрткө каршы суу гидранттары жайгашкан. 4 жерге өрткө каршы калкандар алгачкы өрт өчүрүүчү шаймандары менен толукталып орнотулган. Мындай иш аракеттер талап боюнча куйуучу-май сактоочу жайларда толугу менен орнотулушу зарыл. Ал эми ЖНПЗ КУА ЖЧКсы күйүүчү майды сактоочу жайындагы өрттүн келип чыгыш себептери учурда КР ӨКМнин алдындагы иликтөө лабараториясы тарабынан иликтөө иштери жүргүзүлүүдө.

Эске сала кетсек, экологиялык жана техникалык коопсуздуктарды сактоо багытында Мамэкотехинспекция тарабынан пландуу текшерүүлөрдү жүргүзүүдөн сырткары контролдук текшерүүлөрдү жүргүзөт. Коюлган талаптар аткарылбай, мыйзам бузуулар аныкталса анда күйүүчү майды сактоочу жайлардын ишмердүүлүгү токтотулат.