Адрес Госэкотехинспекции ш. Бишкек, көч. Ахунбаева 119 

Урматтуу окурмандар!

Сиз директор

Жыпаркулов Мырзабек Жыпаркуловичке

кат менен
кайрыла алаcыз 

 

 

 

Мамэкотехинспекциянын Өзгөн шаары, Кара-Кулжа жана Өзгөн райондору боюнча башкармалыгы тарабынан,   2016 жылдын 8-июнь күнү Өзгөн райондук мамлекеттик өрткө каршы кызматы менен биргеликте Өзгөн базарында  өрт тактикалык машыгуу сабактарын өткөрдү. Базардын чыгыш тарабынан тактап айтканда, Өзгөн шаарынын Кошуев көчөсүнөн Келечек базары аркылуу базардын батыш тарабын көздөй жүрүп баратканда өрт өчүрүүчү автоунаага бир топ соода дүкөндөрү  тоскоол болду. Мамэкотехинспекция тарабынан  35-сатуучуга эскертме баракчалары (предписание) берилди.                                                                                                                                                                     

Түзүлгөн пландын негизинде  2016 жылдын 28-июнь күнү  ОсОО Өзгөн Борбордук Базарын пландуу текшерүү жүргүзүлдү.  Жыйынтыгында 21-пункуттан турган укук бузуу табылды, одоно мыйзам бузууну жоюу үчүн актылар түзүлүп, жазма буйрук тапшырылды.  Базардын директорунун милдетин аткаруучу Закирбаев Момуш өзү баш болуп, базардын жолуна соода сатык үчүн  мыйзамсыз токтом чыгарып берген фактылар аныкталды. Ошондой эле  базардагы  соода күркөлөрүн  жеке ишкер Өзгөн шаарынын тургуну Карабаев Икрам базардын түштүк тарабында жайгашкан өзүнө тиешелүү соода сатык үчүн жер тилкесинен сырткары,  2,8м жалпы пайдалануучу жолго (кызыл сызыкка) чыгып убактылуу курулуш куруп алган, бул соодагерге Кыргыз Республикасынын Административдик жоопкерчилик жөнүндөгү 396 - берененин негизинде 15 000 (он беш миң) сом административдик жаза салынды.Ушундай эле көрүнүш Өзгөн шаарынын Волкова көчөсүндө жайгашкан 24 үйдүн тургуну Хожанбердиев Саипге да 15 000 (он беш миң) сом административдик айып салынып, мамлекеттин эсебине Мамэкотехинспекция кызматкерлери тарабынан айып пул  өндүрүлдү.  

          Ошондой эле,  базардын кызыл сызыгынан чыгып кеткен 35 соодагерге темир сандыктарын алып салуу үчүн жазма буйрук берилди. Борбордук базардын батыш жагында орун алган атайын өзгөчө кырдаалдар учурунда (өрт чыккан учурда) керектелүүчү суу сактоочу көлмө, сыйымдуулугу 50 куб жеке менчикке сатылып кеткен суу сактоочу көлмөнүн үстүнө 2-темир контейнер орнотулган жана темир контейнерди 10 бөлүккө бөлүнүп,  жеке ишкерлерге сатылып кеткен. Бул мыйзам бузган тарапты учурда Мамэкотехинспекция толук көзөмөлгө алды жана тийиштүү денгээлде жоопко тартуу иштери жүргүзүлүүдө.   

 

 

 

 

 

 

Мамэкотехинспекциясынын Нарын шаары, Ат-Башы, Ак-Талаа, Нарын, Тогуз-Торо райондору боюнча региондук башкармалыгы тарабынан Ат-Башы районунун Суу-чарба башкармалыгын 22.06.2016 жылы контролдук текшерүү учурунда 19.05.2016 жылы  берилген  №0002017   8 пунктан турган  жазма буйруктун  3 пункту аткарылып,5 пункту аткарылган эмес. Аткарылбаган пунктун негизинде Ат-Башы районунун Суу чарба башкармалыгынын башкы инженери  Исмаилов Туратка №0021938 сандагы текшеруу актысы жазылып, №0018005 протокол түзүлүп, 30.06.2016 жылы №0005987 сандагы токтом чыгып, административдик айып салынып толугу менен өндүрүлдү.