Адрес Госэкотехинспекции ш. Бишкек, көч. Ахунбаева 119 

Урматтуу окурмандар!

Директор Госэкотехинспекции

Сиз директор Джунушев Джолдошбек Маликовичке кат менен кайрыла аласыз

Мамэкотехинспекциянын директору Джунушев Джолдошбек Маликович Бишкек шаардык улгайган жана ден соолугунун мүмкүнчүлүгү чектелген жарандар үчүн жалпы типтеги социалдык стационардык мекемесиндеги карыларды майрамы менен куттуктап, басууга көмөктөшүүчү чыгырыктарды тапшырды. Өз кезегинде Джолдошбек Джунушев эзелтеден кыргыз эли “Карысы бардын-ырысы бар” деп улуу адамдарга өзгөчө сый-урмат жасап келишкендигин айтып, карылардын басып өткөн байсалдуу жолун, элибиздин келечеги үчүн жасаган эмгектерин бийик баалап, эч качан унутпашыбыз керектигин баса белгиледи. Ошондой эле, бүгүнкү күндө өсүп келе жаткан муундарга мындай улуу салтыбыздын өз маани-маңызын сактап, үйрөтүшүбүз керектигин кошумчалады. Мамэкотехинспекциянын директору Джолдошбек Джунушев жана Мамэкотехинспекциянын жалпы кызматкерлери ырысыбызга шерик болгон кутман карыларыбызга чын ден-соолук, узун өмүр жана бакубат турмушта өмүр сүрүшүн каалайт. 

Мамэкотехинспекция!
Кыргыз Республикасынын Өкмөтүнө караштуу экологиялык жана техникалык коопсуздук боюнча мамлекеттик инспекциясы мамлекеттик тил күнүн белгилөө боюнча демилгени колго алып “Улутту улут кылган тил” деген аталышта интеллектуалдык мүнөздөгү сынак өткөрдү. Иш-чарага Мамэкотехинспекциянын жетекчилиги,кызматкерлери жана Кыргыз Республикасынын Президентине караштуу Мамлекеттик тил боюнча улуттук комиссиясынын өкүлдөрү катышты. Сынак 5 бөлүктөн туруп, программанын 1-бөлүгү залкар жазуучу Чынгыз Айтматовдун 90 жылдыгына арналган иш-чара менен башталды. 2-бөлүк “Мен кыргызмын” деп аталып, анда кыргыз элинин каада-салттары, тамак-аштары жана улуттук оюндары жөнүндө слайддар көрсөтүлүп, суроо-жооп ирээтиндеги талкуу болду. Ал эми “Көркөм окуу” бөлүгүндө түзүмдүк бөлүмдөрдүн жетекчилерине кыргыздын залкар акындарынын кыргыз тилинин улуулугун, бийиктигин жана ыйыктыгын даңазалаган ырларынан окуп берүү тапшырмасы берилди. Андан соң “Улуттук кийимдер” сынагы болуп 5-бөлүктө майрамдык салтанатка карата атайын даярдалган тапшырмалар аткарылды. Аталган иш-чаранын негизги максаты эне тилге өзгөчө маани берип, мамлекеттик кызматта иштеген кызматкерлердин тил маданиятын жогорулатуу болуп саналат. Бул багытта Мамэкотехинспекция кызматкерлер арасында кыргыз тилин жайылтуу максатында, атайын иш-чараларды байма-бай өткөрүп келет. Салтанаттын жыйынтыгы менен мамлекеттик тилди өнүктүрүүгө жигердүү салым кошкон кызматкерлерге Ардак грамоталары тапшырылды